Kamp mətbəxi ən çox qəza baş verən sahədir. İki əsas risk var: karbon monoksit (CO) zəhərlənməsi və yanğın.
ÇADIRIN İÇİNDƏ QAZ SOBASI YANDIRMAYIN. Karbon monoksit rəngsiz və iysizdir — yuxuda huşu itirməyə qədər hiss olunmur. Vestibül (giriş dəhlizi) yalnız hər iki tərəf açıq olduqda istifadə edilə bilər.
Kartric soyuqda gücünü itirir
Adi butan kartric 0°C-dən aşağıda buxarlanmır — soba ya yanmır, ya çox zəif yanır. Qış üçün izobutan/propan qarışığı lazımdır. Kartrici gecə tulumun içində saxlamaq (bədən istiliyində) səhər problemi həll edir.
Praktik qaydalar
- Sobanı düz və möhkəm səthdə qur — qazan aşarsa yanıq ağır olur
- Küləkdə ekran işlət, amma kartrici ekranın içində qızdırma (partlayış riski)
- Yanan sobanın üstündə kartrici DƏYİŞMƏ, tam soyumasını gözlə
- Ocaq yerini daşla hasarla, ətrafdaki quru otu təmizlə, söndürəcək suyu ƏVVƏLCƏDƏN hazırla
- Ocağı külü soyuyana qədər tərk etmə — küldəki kömür 8 saat sonra da alışdıra bilər
Kargo qeydi: qaz kartric və balonu heç bir Azərbaycan kargosu təyyarə ilə daşımır. Onları yerli mağazadan almaq lazımdır — sobanı xaricdən sifariş edib kartrici burada tapmaq düzgün plandır.