İnsanlar −10°C tulum alır, sonra gecə donur və tulumu günahlandırır. Səbəb tulum deyil: istiliyin böyük hissəsi ALTDAN, torpağa gedir. Torpaq bədəni havadan qat-qat tez soyudur.
R-value — döşəyin əsas göstəricisi
- R 1-2 — yalnız yay
- R 3-4 — üç fəsil (Azərbaycanda ən çox işlənən aralıq)
- R 5+ — qış, qar üstü
İki döşəyi üst-üstə qoymaq R-value-nu TOPLAYIR. Köhnə köpük mat (R 2) + şişmə döşək (R 3) = R 5, yəni qış şəraiti. Bu, yeni qış döşəyi almaqdan ucuzdur.
Tulum temperaturunu düzgün oxumaq
Etiketdə iki rəqəm olur. «Comfort» — orta qadının rahat yatdığı temperatur. «Limit» — orta kişinin büzülüb yatdığı temperatur. Alarkən COMFORT rəqəminə bax; «limit» sağ qalma həddidir, rahat yuxu deyil.
Gecəni isti keçirmək üçün üç xırda
- Yatmadan əvvəl 10 dəqiqə hərəkət et — soyuq bədən tulumu qızdıra bilmir, tulum yalnız sənin istiliyini saxlayır
- Tuluma girərkən gündüz geyindiyin nəm corabı DƏYİŞ, quru corab geyin
- Qaynar su butulkasını ayaq tərəfinə qoy (metal matara, sızmayan qapaqla)